Zyrtari rus zbulon shtetin e radhës që mund të sulmohet

Një zyrtar i lartë rus ka zbuluar tragetin e radhës së ushtrisë ruse.

Deputeti propozoi të vendoset “Polonia në radhë për denazifikimin pas Ukrainës” me një postim në llogarinë e tij në “Telegram”. Oleg Morozov është anëtar i Partisë së Kremlinit, Këshilli i Lartë i Rusisë së Bashkuar dhe deputet i Dumës.

“Me deklaratat e saj për Rusinë si një ‘tumor kanceroz’ dhe për ‘dëmshpërblimin’ që duhet t’i paguajmë Ukrainës, Polonia na inkurajon ta vendosim atë në radhë të parë për denazifikimin pas Ukrainës”, ka shkruar ai.

Autoritetet ruse bllokuan llogaritë e ambasadës polake në Moskë si një masë hakmarrëse ndaj dënimit dhe sanksioneve.

Kërcënimi i drejtpërdrejtë ushtarak kundër Polonisë erdhi pasi kryeministri polak, Mateusz Morawiecki, tha në një artikull në “The Telegraph” se ai e konsideron botën ruse “një kancer kërcënues vdekjeprurës për të gjithë Evropën”. Ai shtoi se, sipas tij, vendi duhet “çrrënjosur”.

Në një konferencë të premten, zëdhënësi i Kremlinit, Dmitry Peskov, sulmoi kryeministrin polak për thirrjen për të “rrënjosur ideologjinë monstruoze” të Rusisë.

“Ky është thelbi i asaj urrejtjeje ndaj rusëve që për fat të keq, si një metastazë, ka infektuar të gjithë udhëheqjen polake dhe, në shumë mënyra, shoqërinë polake”, tha Peskov.

Share With:
No Comments

Sorry, the comment form is closed at this time.