Zjarri në Astir/ Ekspertiza: Osmënaj grumbulloi rrobat në mes të dhomës dhe i vuri flakën

Ekspertiza ka zbuluar se 36-vjeçari Klodjan Osmënaj, mëngjesin e së shtunës ia vendosi flakën shtëpisë në mesin e kuzhinës. Dëshmia e tij është e pamundur të sigurohet për grupin hetimor, pasi 36-vjeçari qëndron ende i shtruar në Spitalin e Traumës në gjendje të rëndë shëndetësore.

Ekspertët zjarrfikës kanë dalë në përfundimin e zjarri ishte i qëllimshëm. Osmënaj kishte vendosur rrobat dhe sende të tjera të djegshme në mesin e kuzhinës dhe më pas u vuri zjarrin. Flakët u përhapën në të gjithë banesën. 36-vjeçari u hodh pas disa minutash nga ballkoni. Të njëjtin veprim bëri edhe nëna e tij, Hava Osmënaj 62 vjeçe. Ajo ndërroi jetë në spital.

Ndërsa Klodjan Osmënaj vijon të marrë trajtim spitalor, pasi vuan dhe nga probleme të shëndetit mendor. Dëmet e shkaktuara vijojnë të jenë të dukshme edhe në katet e sipërme të pallatit. Banorët shprehen se askush nuk i ka ndihmuar për t’i riparuar ato.

Ngjarja ndodhi 5 ditë më parë në zonën e Astirit në kryeqytet.

Share With:
Tags
No Comments

Sorry, the comment form is closed at this time.