Zjarr në ‘Astir’, digjet makina e parkuar

Një shkëndijë elektrike ka shkaktuar zjarr në afërsi të një pallati në ndërtim, në rrugën “Teodor Keko”, në zonën e njohur si Astir.

Blutë bëjnë me dije se ngjarja ka ndodhur rreth orës 12:50.

Për pasojë, janë djegur disa panele të pallatit dhe një automjet i parkuar, në pronësi të shtetasit A. M.

Grupi hetimor ndodhet në vendngjarje dhe po punon për sqarimin e rrethanave të ngjarjes.