Ilaçet e vjedhura ua shiste pacientëve me Covid, pranga infermierit

Një infermier është arrestuar nga policia e Korçës, pasi akuzohet se ka vjedhur një sasi të konsiderueshme medikamentesh e pajisjesh mjekësore me vlerë mbi 1 milion lekë.

I arrestuari është Nikolin Ciko, 43 vjeç, banues në Korçë, me detyrë infermier pranë Urgjencës së Spitalit në këtë qytet.

Nga veprimet hetimore të kryera rezultoi se, Ciko kishte vjedhur në farmacinë e Spitalit një sasi medikamentesh dhe pajisjesh mjekësore, që shërbenin për trajtimin e pacientëve me Covid-19 dhe me sëmundje tumorale, dhe ua shiste atyre.

Ai ka thënë se ka kryer vjedhjet, pasi kishte borxhe dhe kredi për të larë.

Ilaçet e vjedhura ua shiste pacientëve me COVID/ Infermieri pranon krimin. Dëshmia: Kisha borxhe dhe kredi për të larë

Njoftimi zyrtar

Finalizohet operacioni policor i koduar “Farmacia”.

Operacioni i zhvilluar nga Komisariati i Policisë Korçë, për goditjen e aktivitetit kriminal në fushën e vjedhjes.

Dokumentohen dy vjedhjet e ndodhura në farmacinë e Spitalit Rajonal Korçë, vihet në pranga një infermier.

Sekuestrohet një sasi medikamentesh të ndryshme, me vlerë të konsiderueshme.

Specialistët për Hetimin e Krimeve në Komisariatin e Policisë Korçë, në vijim të punës për zbardhjen dhe dokumentimin e dy ngjarjeve të ndodhura më datë 08.03.2021 dhe 30.08.2021, ku në farmacinë e Spitalit Rajonal Korçë, u vodh një sasi e konsiderueshme medikamentesh e pajisjesh mjekësore me vlerë mbi 1.000.000 lekë, finalizuan me sukses operacionin e koduar “Farmacia”, si rezultat i të cilit u bë kapja dhe arrestimi në flagrancë i autorit të dyshuar shtetasit N. C., 43 vjeç, banues në Korçë (me detyrë infermier pranë Urgjencës së Spitalit Korçë).

Nga veprimet hetimore të kryera rezultoi se, ky shtetas kishte vjedhur në farmacinë e Spitalit, një sasi medikamentesh dhe pajisjesh mjekësore, të cilat shërbenin për trajtimin e pacientëve me COVID-19 dhe me sëmundje tumorale, ku në cilësinë e provës materiale iu gjet e sekuestrua sasia e medikamenteve.

Materialet i kaluan Prokurorisë së Rrethit Gjyqësor Korçë për veprën penale “Vjedhja”, me pasoja të rënda.

Share With:
No Comments

Sorry, the comment form is closed at this time.