Vdekja e 4 rusëve/ Eksperti: Ngjarja aksidentale, monoksidi i karbonit një nga helmet më të fortë

Humbja tragjike e jetës së 4 turistëve rusë në Qerret ka qenë tema e trajtuar në emisionin “Në Shënjestër” të gazetares Klodiana Lala.

Gjatë emisionit në një lidhje telefonike Bardhyl Cipi ekspert mjeko-ligjor, tha se monoksidi i karbonit i dalë në rezultatet e ekspertizës, është një nga helmet më të rrezikshme.

Sipas expertit Cipi në momentin që moniksidi i karbonit lidhet me hemoglobinën bëhet vdekjeprurës.

Ai beson vdekja e tyre ka ndodhur aksidentalisht kjo e vërtetuar edhe nga helmimi ndërkohë që tha se problemi në kaldaja duhet të jetë shumë i rëndë që vdiqën të 4 bashkë.

“Monosksidi i Karbonit është një gaz pa erë dhe peshë sa të ajrit dhe formohet kur ka djegie. Ai konsiderohet një nga helmet më të rrezikshme dhe më të përhapura. Ka si veti që të lidhet me hemoglobionën e gjakut. Në rast kur futet monoksidi lidhet ky me hemoglobionën dhe lidhja me të është 250 herë më e fuqishme se me oksigjenin.  Varet nga sasia e gazit në vendin ku ndodhet njeriu. Oksigjeni zëvendësohet me këtë gaz dhe shfaqen shenjat e helmimit, me dhimbje koke, marrje mendsh. Ka edhe nje lloj euforie e ngjashme me vdekjen. Pastaj kalohet në fazën e  dytë  ku njeriu ka pamundësi në të lëvizuar, pastaj bie në koma dhe vdes. Në rastin konkret fakti që ata janë 4 persona dhe të 4 vdiqën në të njëjtin ambient e shton dyshimin që këtu kemi momoksidin e karbonit. Njeriu ruan një ngjyrë të kuqe të celet, ruan ngjyrën e njeriut natyral. Në momentin ku kanë hyrë punonjës, ambienti është pastruar. Këtu është diçka që duhet parë me kujdes, fakti që këta vdiqën të katërt  tregon se mundësitë për një defekt në kaldajë të jetë shumë i madh. Helmimi tashmë është vërtetuar sepse është 80% në gjak. Kjo gjë e vulos çështjen në një vdekje aksidentale. Duhet një hetim i tubave të kaldajës”- tha ai./BW/

Share With:
No Comments

Sorry, the comment form is closed at this time.