Ukraina i kthen Rusisë trupat e ushtarëve të vdekur gjatë luftës

Ukraina ka thënë se po i kthen në shtëpi trupat e trupave ruse të vdekur gjatë luftës. Të premten, zyrtarët ushtarakë ukrainas u panë duke ngarkuar dhe grumbulluar kufomat e mbledhura nga rajonet e Kievit dhe Chernihiv.

Sipas Sky News, ata po i dërgoninin nëpër vagona hekurudhore frigoriferike. Ndërkohë sipas Volodymyr Lyamzin, kreu i bashkëpunimit civil-ushtarak të Ukrainës  masa është në përputhje me “normat e së drejtës ndërkombëtare humanitare”.

“Pas përfundimit të fazës aktive të konfliktit, palët duhet të kthejnë trupat e ushtrisë së një vendi tjetër. Ukraina është e gatshme t’ia kthejë trupat agresorit”,- tha Lyamzin.

Raportohet se disa trena frigoriferikë janë stacionuar edhe në pjesë të tjera të vendit. Ukraina pretendon se ka vrarë rreth 20,000 trupa ruse. Rusia nuk e ka përditësuar numrin e saj të vdekjeve që nga 25 marsi, kur pranoi se janë 1,351 ushtarë të vrarë. 

Share With:
No Comments

Sorry, the comment form is closed at this time.