Tentoi të kalojë 21 shqiptarë me gomone në Angli, 5 vite burg për 30-vjeçarin 

Një 30-vjeçar shqiptar dyshohet për trafikim të qenieve njerëzore, ku për të cilin është kërkuar nga prokuroria holandeze 5 vite burg.

Shqiptari dyshohet se ka dashur të kalojë ilegalisht në Angli 21 shqiptarë së bashku me një bashkëfshatar të tijin.

Emigrantët që po tentonin të hynin ilegalisht në Britaninë e Madhe gjatë kontrollit nga rojet bregdetare. Në aksionin e zhvilluar qershorin e kaluar u arrestuan dy persona, përfshirë edhe 30-vjeçarin i cili drejtonte edhe trafikun e qenieve njerëzore. Ai do të kalonte për në Angli nga Sint-Annaland, ku i dyshuari tjetër kishte marrë me qira varkën, nëpërmjet Breskens.

“Personi tjetër dhe gratë e tona nuk dinin asgjë për këtë. Ata menduan se do të ishte thjesht për qejf. Ishte ideja ime” i tha i dyshuari gjykatësit.

I dyshuari ka deklaruar sot se i duheshin para dhe përmes Facebook-ut kishte folur me shqiptarët që donin të shkonin në Angli.

“Njerëzit me të cilët fola në Facebook thanë se ishin 7 ose 8 persona. Pastaj papritmas u bënë ishin 21”, është rrëfyer ai. Ndërsa shtoi se ai nuk i njihet bashkëkombësit e tij “Do merrja 1 mijë paund për person” , u shpreh 30-vjeçari. Por sipas asaj që ndodh në terren shifrat janë shumë më të larta. “Shumat variojnë nga 7 mijë deri në 25 mijë paund dhe ne duhej të dorëzonim telefonat tanë”, është shprehur një nga emigrantët që donte të kalonte për në Britaninë e Madhe.

Sipas Prokurorisë dhe raporteve të ekspertëve, kalimi ishte i rrezikshëm: skafi ishte shumë i vogël, kishte mungesë të pajisjeve të sigurisë dhe dyshime për aftësitë e drejtuesit. Për më tepër, udhëtimi zgjati orë të tëra dhe lundrimi ishte e vështirë.

“Po ta kisha parë të rrezikshme, nuk do ta kisha bërë kurrë. Unë vetë isha atje, nuk do ta kisha marrë kurrë atë rrezik. Por jam penduar kaq shumë” kundërshtoi 30-vjeçari.

Tentativat për të kaluar shqiptarët në Angli:

5 qershor 2021: Arrestohen katër të dyshuar me 9 shqiptarë në bord në Vrouwenpolder

20 qershor 2021: Arrestohen dy të dyshuar me 21 shqiptarë në bord në Breskens (që është rasti sot)

3 shtator 2021: Arrestohen dy të dyshuar me 16 shqiptarë në bord në Vlissingen

24 shtator 2021: Arrestohen dy të dyshuar me 11 shqiptarë në bord në Kamperland

Avokati i të dyshuarit, Arthur van der Biezen, mendon se një dënim me pesë vjet burg është “një dënim shumë i lartë. Klienti im është model i arrestuar dhe nuk ka precedentë penalë. Unë mendoj se kërkesa është e paarsyeshme. Përveç kësaj, ai nuk e ka bërë kalimin me gomone. Në 0.01 për qind të personave që bëjnë këtë kalim gjërat shkojnë keq..”

Avokati mendon se dënimi me burg i barabartë me paraburgimin është më i përshtatshëm. “Klienti tashmë është dënuar mjaftueshëm. Mund të deportohet përsëri në Shqipëri dhe ka mundësi që të mos marrë leje qëndrimi në Itali, për të cilën punonte” Gjykata do të vendosë brenda dy javësh.

Share With:
No Comments

Sorry, the comment form is closed at this time.