Studentët i shkruajnë ministrisë: Të kthehemi në auditorë

10 mijë studentë kanë nënshkruar peticionin për hapjen e auditorëve për seminare, praktika dhe punë laboratorike.

Firmat janë dorëzuar këtë të martë në Ministrinë e Arsimit, me kërkesën për t’u kthyer fizikisht në fakultete edhe për provimet.

Mijëra studentë kundërshtojnë provimet online, pasi sipas tyre, krijon pabarazi.

Ndërkaq, Komiteti Teknik i Ekspertëve ka deklaruar një ditë më parë, se po shqyrton situatën së bashku me Ministrinë e Arsimit, për hapjen ose jo të auditorëve, dhe do të ketë një vendim brenda kësaj jave.