Rriten rastet me Covid, 47 të infektuar në 24 orët e fundit

Shqipëria ka regjistruar një rritje të ndjeshme të rasteve me Covid-19 në 24 orët e fundit.

47 të infektuar ka pasur sot teksa dje ishin 30.

Po ashtu, sërish vendi ynë nuk ka asnjë viktimë, teksa dje humbi jetën një i pavaksinuar, edhe pse prej thuajse një muaji nuk kishte fatalitete nga Covid-19.

Tirana kishte më shumë raste në 24 orët e fundit, 19 të tilla, ndjekur nga Elbasani me 6, Kuçova me 5, Pogradeci me 4, Lezha me 3 e Korça me 2.

Tek Infektivi janë 18 pacientë të shtruar kurse aktivë me Covidd-19 në gjithë territorin janë 355 pacientë.

Njoftimi zyrtar

Ministria e Shëndetësisë u bën apel qytetarëve të vaksinohen ndaj Covid-19, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.

Vaksinat anti-Covid reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse dyshoni se jeni i prekur nga Covid-19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon:
Janë kryer 3025 testime, nga të cilat kanë rezultuar pozitivë me Covid-19, 47 qytetarë, në këto bashki: 19 raste në Tiranë, 6 në Elbasan, 5 në Kuçovë, 4 në Pogradec, 3 në Lezhë, 2 në Korçë, nga 1 rast në Shkodër, Durrës, Kukës, Kavajë, Lushnje, Sarandë, Delvinë, Poliçan.

Aktualisht janë 355 pacientë aktivë me Covid-19 në të gjithë vendin.

Në Spitalin Infektiv po marrin trajtim spitalor të specializuar 18 pacientë.

Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 13 qytetarë gjatë 24 orëve të fundit, duke e çuar numrin e të shëruarve në 130,187 që nga fillimi i epidemisë.


Raste të reja ditore 47
Të shëruar në 24 orë 13
Të shtruar në spitale 18

Humbje jete në 24 orë 0
Testime ditore 3025

Testime totale 892,069
Raste pozitive 132,999
Raste të shëruara 130,187
Raste aktive 355
Humbje jete 2,457

Shpërndarja gjeografike e rasteve aktive sipas qarqeve:

Tiranë 131
Elbasan 51
Kukës 33
Lezhë 33
Vlorë 29
Fier 17
Korçë 16
Durrës 15
Shkodër 12
Berat 14
Gjirokastër 4

Share With:
No Comments

Sorry, the comment form is closed at this time.