Qershori nis me të nxehtin afrikan 

Diell dhe temperatura shumë të larta! Është kjo surpriza e javës së parë të Qershorit që shënon zyrtarisht edhe ardhjen e stinës së verës. Sinoptikanët paralajmërojnë ardhjen e një vale nga Afrika Veriore, e për pasojë temperaturat do të rriten menjëherë me 5 apo 6 gradë.

“Pas të mërkurës, pritet një rritje e ndjeshme e temperaturave duke bërë që maksimumet në orët e mesditës të shkojnë 37 apo 38 gradë në qarkun e Beratit apo të Fierit, që janë shumë më të larta për muajin qershor, gati 9 gradë më të larta”, thonë sinoptikanët.

Vlerat e larta termike pritet të zgjasin deri në fillim të javës së ardhshme.

“Pas ditës së mërkurë orët me diell do të jenë të shumta, por do të kemi herë pas herë edhe kalime vranësirash si pasojë e lagështirës së ajrit duke bërë që temperaturat të ndihen edhe 2-3 gradë më shumë se sa normalja”.

Sipas sinoptikanëve valët e të nxehtit janë kryesisht tipike të muajit korrik dhe gusht, megjithatë të tilla u shfaqen edhe në fund të Qershorit të kaluar.

Share With:
No Comments

Sorry, the comment form is closed at this time.