Mungojnë vrojtuesit, bllokohen 22 pika plazhesh në Vlorë

Sezoni veror ka startuar në qytetin bregdetar të Vlorës dhe plazhet janë të frekuentuara nga vendas dhe turistë të huaj.

Shqetësuese është mungesa e rojeve bregdetare. Si rrjedhojë janë bllokuar 22 pika plazhesh pasi nuk kishin roje bregdetare. Ditën e djeshme janë bllokuar 15 plazhe, ndërsa sot 7. Gjatë gjithë këtyre ditëve Policia Bashkiake ka qenë në aksion për një fushatë sensibilizuese dhe sot ka bllokuar disa plazhe ku mungonin rojet.

Këte sezon nuk do të tolerohen plazhe që janë konstatuar pa vrojtues plazhi, pasi është detyrim ligjor. Edhe këtë verë në vendin tonë do të ketë një protokoll të masave anti-COVID për sezonin turistik. Maska dhe dezinfektues sipërfaqësor, mund të jenë në dispozicion për vizitorët kundrejt një marrëveshjeje paraprake mes sipërmarrjes dhe pushuesve. Në protokollin e Ministrisë së Turizmit për sezonin turistik kërkohet që hapësira midis çadrave nuk duhet të jetë më e vogël se 3.5 m në linjë horizontale me vijën e ujit, si dhe jo më e vogël se 3.5 m në linjë vertikale me vijën e ujit.

Në plazhe duhet të kryhet dezifektimi i krevateve të plazhit, shërbimeve higjienike dhe aksesorëve të ndryshëm çdo dite në mënyrë periodike. Në vendim theksohet se tavolinat në beach bar duhet të kenë distancë 2 m larg njëra tjetrës.
Në dispozicion të pushuesve duhet të ketë 1 dush me ujë të ëmbël për çdo 100 çadra, i cili duhet të pajiset me sapun dhe xhel higjienizues.

Share With:
No Comments

Sorry, the comment form is closed at this time.