Me 3 kg kokainë në Itali, dëshmia që fundosi shqiptarin: Do takoj të dashurën dhe…

Një 46-vjeçar shqiptar është vënë në pranga nga karabinierët në Itali në Ponte Pattoli pasi i është kapur një sasi prej 3 kg kokainë.

Kanë qenë manovrat e tij të dyshimta me makinë që e çuan drejt prangave shqiptarin.

Por jo vetëm kaq, kur policia e pyeti për punën që bënte dhe për çfarë qëllimi ndodhej nëUmbria ai u shpreh se ishte “përfaqësues vere” dhe udhëtonte për punë.

Sidoqoftë, duke mos arritur të ekspozonte ndonjë paketim të verës që do të duhej të mbante, me një qëndrim gjithnjë e më nervoz, ai ndryshoi versionin, duke pretenduar se ishte në Umbria për të vizituar të dashurën e tij e cila, megjithatë, nuk e kujtoi dot se ku jetonte, shkruan “Ansa”.

Në atë moment, karabinierët vendosën t’i nënshtronin subjektit një kërkim më të thelluar, duke vërejtur qese dhe copa celefoni.

Në një ndarje të bagazhit dhe në një sirtar të dhomës së pasagjerëve, u gjetën 3 pako, të mbështjella me celofan, të një lënde narkotike të llojit kokainë, me një peshë totale mbi 3 kg, si dhe dy telefona celularë, material për prerjen dhe paketimin e substancës narkotike dhe shumën prej 830 euro, të ndara në kartëmonedha të prerjeve të ndryshme.

Menjëherë, shqiptari u arrestua ndërsa lënda narkotike, paratë dhe sendet e tjera iu nënshtruan sekuestrimit. I arrestuari, në fund të formaliteteve, u dërgua në burgun e Capanne.