Kjo është vaksina anti-COVID që pritet të fillojë në 7 dhjetor

Autoritetet shëndetësore britanike janë duke u përgatitur për të marrë vaksinat e para të Pfizer / BioNtech deri më datë 7 dhjetor.

Mediat raportojnë se spitalet janë duke u përgatitur për të vaksinuar stafin e tyre brenda dhjetë ditëve të ardhshme për shkak se mjekët dhe infemierët konsiderohen si grupet më të rrezikuara.

Spitalet e Anglisë mund të marrin furnizimet e para të vaksinave të prodhuar nga Pfizer / BioNTech, deri të hënën, 7 dhjetor, pasi miratimi i vaksinës pritet të jepet në ditët e ardhshme.

Sipas burimeve të ‘The Guardian‘ në disa spitale në të gjithë vendin, u tha se ata duhet të presin që të marrin rezervat e vaksinave në 7, 8 ose 9 Dhjetor.

Sipas planit të qeverisë, fillimisht vetëm personeli mjekësor do të jetë ai që do të vaksinohet edhe pse më herët ishte njoftuar për fillimin e vaksinimit në azile.

Sipas “Guardian”, natyra e vaksinës Pfizer është ajo që çon në një rregullim të rendit të përparësisë. Përbërja kimike e kësaj vaksine kërkon, siç pretendojnë ekspertët, një numër të kufizuar lëvizjesh. Prandaj, nuk mund të transportohet nga mjekët në shtëpitë e pleqve ose shtëpitë e tyre.

Ata që jetojnë në njësitë e lartpërmendura ose mbi moshën 80 vjeç pritet të marrin vaksinën e Universitetit të Oksfordit / AstraZeneca, e cila gjithashtu pritet të marrë autorizimin për përdorim më vonë.