Rrëzohet kërkesa e mjekut Prifti për ndryshim të masës së sigurisë

GJKKO rrëzon kërkesën e mjekut Edvin Prifti për ndryshim të masës së sigurisë.

SPAK e ka akuzuar mjekun Prifti për korrupsion, i cili kërkoi të ndryshohej masa e sigurisë e vendosur ndaj tij “Pezullim nga detyra”.

Ish-shefi i repartit të Kardiokirurgjisë, po hetohet nga SPAK nën dyshimet se ka abuzuar me tenderat në qendrën Spitalore Universitare ‘Nënë Tereza’, çka ka gjasa të zgjerojë rrethin e bluzave të bardha apo zyrtarëve të tjerë të përfshirë ne veprimtari kriminale.

Kardiokirurgu është nën hetim prej muajsh, për korrupsion e pastrim parash, pasi ra në rrjetën e përgjimeve teksa prokuroria hetonte rastet e korrupsionit në gjykatën e Krujës, ku sekretarja e këtij institucioni fliste për ryshfet për operacionin e nënës.

Mjeku u pezullua fillimisht nga ushtrimi i profesionit, por gjatë kontrollit në shtëpi e zyrë iu gjetën gjysmë milioni euro, prej nga u ngritën dyshime edhe për vepra të tjera penale. Në vazhdim, prokurorët specialë këqyrën telefonin e Priftit, kompjuterin e punës dhe një lap top, ku zbuluan të dhëna të reja që i orientuan prokurorët specialë të hedhin sytë nga tenderat. Lidhur me këtë fakt, Prokuroria ka zgjatur me 6 muaj hetimet për kardiokirurgun.

Share With:
No Comments

Sorry, the comment form is closed at this time.