Gara me mjete dhe xhama të errët, arrestohen ‘rebelët’ në Tiranë

5 shoferë janë arrestuar dhe mbi 1000 të tjerë janë vënë në hetim pasi janë konstatuar në shkelje të rregullave të qarkullimit rrugor teksa qarkullonin në kryeqytet me mjetet e tyre. Policia bën me dije se në pranga janë vënë 5 drejtues automjetesh të cilët janë kapur duke drejtuar automjetin në gjendje të dehur dhe pa leje drejtimi. Por gjithashtu ka nisur hetimi për të tjerë që kanë marrë pjesë në gara shpejtësie, errësim të xhamit parapritës, përdorim të aparatit celular dhe shkelje të tjera.

“Vijojnë kontrollet e territorit në të gjithë kryeqytetin, me fokus parkimet e gabuara që bëhen pengesë për lëvizjen në qytet si dhe ndëshkimin e mjeteve që manifestojnë sjellje agresive në rrugë.

Në funksion të kontrolleve janë konstatuar dhe: Arrestuar 5 drejtues automjetesh të cilët janë verifikuar duke drejtuar mjetet në gjendje të dehur dhe pa leje drejtimi. Proceduar për gara shpejtësie dhe mos rregullim shpejtësie në qendrat e banuara 17 drejtues mjetesh. Proceduar për zhurma shqetësuese nga mënyra e drejtimit të mjeteve 7 drejtues automjetesh sportive. Proceduar 14 drejtues mjetesh për errësim të xhamit parapritës. Proceduar 146 drejtues mjetesh për përdorim te aparatit celular gjatë drejtimit të mjetit. Proceduar 1123 automjete të ndryshme për qëndrim dhe pushim në kundërshtim sinjalizimin rrugor dhe rregullat e qarkullimit. Proceduar për qarkullim në korsitë e rezervuara për shërbimin publik 82 automjete.”, njofton policia.

Share With:
Tags
No Comments

Sorry, the comment form is closed at this time.