4 makina bëhen copash në autostradë

Një aksident në seri ka ndodhur pasditen e sotme, rreth orës 16:40 në autostradën Tiranë-Durrës.

Sipas informacioneve paraprake, në aksident janë përfshirë 4 automjete, por fatmirësisht nuk ka asnjë person të lënduar, por vetëm dëme materiale.

Grupi hetimor dhe policia ndodhen në vendngjarje dhe po punojnë për zbardhjen e rrethanave të ngjarjes, ndërkohë që po punohet për të mësuar dhe shkakun e aksidentit.

Ndërsa e gjithë rruga është bllokuar për disa minuta deri në pastrimin nga mjetet e aksidentuara.