21-vjeçari në Tiranë “fundoset” pas videos së postuar në “TikTok”

Trendi i fundit që ka përfshirë të gjithë të rinjtë është aplikacioni “TikTok”. Por një 21-vjeçari në Tiranë i ka kushtuar shumë një video e publikuar.

Policia ka bërë me dije se  pas publikimit të një videoje në rrjetin social TikTok, në të cilën i riu shfaqej duke përdorur celularin gjatë drejtimit të mjetit, menjëherë organizuan punën për identifikimin dhe kapjen e tij.

Në bulevardin “Dëshmorët e Kombit”, shërbimet e Policisë kanë ndaluar mjetin me drejtues shtetasin E. D., 21 vjeç, i cili drejtonte mjetin duke përdorur celularin, pa vendosur rripin e sigurisë dhe pa leje drejtimi.

Gjatë testit të kryer me AquilaScan rezultoi se ky shtetas drejtonte mjetin, nën efektin e lëndëve narkotike. Në vijim të veprimeve u bë arrestimi në flagrancë i shtetasit E. D., për veprën penale “Drejtimi i automjeteve në mënyrë të parregullt”.

Share With:
No Comments

Sorry, the comment form is closed at this time.